30 di aprèl ku a pasa, ku tabata día di fiesta di e Bon Wardadó, riba e binti areanan di Venezuela i e islanan di Karibe Ulandes, a keda selebrá di un manera simultaneo e Santu Eukaristia, kaminda 90 hoben homber a lanta pa bai seminario i 130 hoben muhe a lanta pa bida religioso, for di e mas ku 2500 rumannan ku a eksperimenta e grandesa di Dios hasiendo predikashi riba kayanan.
E ekonan i eksperiensianan di e hobennan a trese un ambiente di alegria i gratitut na Señor, kende tabata yena di Spiritu Santu, no solamente esun ku a lanta, sino tur esun presente, bendishonando i kantando kantikanan dedika na La Birgen di Coromoto, patrona di Venezuela, pasobra ta Birgen Maria esun ku a inspirá e Kaminda di Salbashon riba nan bidanan.
E enkuentro vokashonal aki a keda realisa na dos parti: promé e preparashon, ku a tuma luga entre e dianan 21 t/k 23 di aprèl, ku un selebrashon penitensial, kaminda e hobennan a risibi e sakramento di rekonsiliashon, a resa huntu i a hasi eskrute di e sita ti beibel skohi pa Papa Francisco pa e Hornada Mundial di Hubentut 2023 (WYD 2023) “Awor den e dianan ei Maria a lanta i a bai purá na e serunan” (Lk 1, 39).
Entre dianan 27 t/k 30 di aprèl, e di dos parti a tuma lugá, ku e “Envio de dos en dos”, kaminda e hobennan a keda mandá manera e promé apòstelnan, pa bai anunsia e evangelio, pa despues kulminá e eksperiensia aki ku e selebrashon di e Eukaristia i e yamada vokashonal.
Mové pa e spiritu santu, e hobennan “a lanta i a bai purá na e serunan”, bou di e guia i organisashon di e katekistanan, sin niun sortu di seguridat material mas ku e Beibel i Buki di Salmo. E kantikanan i instrumento musikal a keda skucha riba kayanan i plenchinan prome ku nan a sali rekoré e barionan kas pa kas, e plenchinan, pakusnan i hospital.
Nan tabata yama danki na Dios, proklamando nan eksperiensia di kon Señor a proveé i proteha nan tur e dianan aki. Ni awaseru, ni solo, ni hamber of set; e miedunan ku nan por a sinti a keda riba un segundo plano, pasobra nan a sinti e presensia di spiritu santu ku tabata pone e palabranan na nan bokonan pa anunsia hende ku Dios ta stima nan tur manera nan ta.
Entre e eksperensianan remarkabel, ta esun di Maria Viktoria (19 aña), kende ta pertenesé na e Parokia Mama di Salbadó na Caracas “Nos a mester di evangelisa na e bario Lomas de Urdaneta, i a hala mi atenshon ku nos a drenta un kas kaminda muchanan muhe so tabata biba, riba un situashon di bida hopi prekario, nos por a ripará riba nan karanan un tristesa hopi grandi, pero nos por a animá nan! ku e mensahe ku iglesia ta nos amiga, ku Dios ta siña nos e dignidat di e hende muhe i tur persona, ku niun otro hende lo bai stima nan manera Dios ta stima nan”
Tokante e enkuentro vokashonal, Maria Victoria a ekspresá “Ta berdat ku e tabata un enkuentro maravioso, nos a mira e shelu habrí, nos tabata asina felis!”.
E tabata un grasia di Dios, asina Gabriel Balza (21 aña) a ekspresá, di e parokia Nos Mama di Pilar na Barinas “E tabata un grasia di Dios, kende dor di mi, ku ta un pekadó ta hasi e mishon aki”,”(…) hende tabata keda sorprendí ora nos ta bisa ku nos ta di Iglesia Katóliko, i nan tabata habri e portanan”.
“Mi por a topa ku hopi hende yen di nesesidat di Dios, mas aínda hende grandi, ku tabata bibando nan so, ku yunan bibando den ekstranheria, nan tabata alegrá di risibi un palabra i pa por keda skuchá” Gabriel a bisa.
Lucia Escalona di parokia Mama di Perpetuo Socorro na Maracay a bisa “e evangelisashon aki tabata uniko, mi por a mira ku mas ku nos a kana bou di solo, sin awa i ku hamber, ora mi tabata mira e alegria di e hende ku ta risibi un palabra ku nan tabata nesesitá, mi a sinti ku tur tabata vale la pena, p’esei mi ta hopi kontentu di ta riba e Kaminda Neokatekumenal.
Di mesun manera, Ana, di Parokia nos Mama di Coromoto na Maracaibo, a bisa riba su eksperiensia ku “mi mes a keda evangelisa, mi por a mira kon hende ku ta den situashon más pió ku mi a kere e bon notisia aki, nan a kere den e palabra di Dios aki, i mi por a ripará ku ami, ku ta den un situashon di bida más miho, tin biaha ku no por kere, mi tabata den skuridat, hogá den mi pikanan, i ora mi ta wak ku esun den mas nesesidat si por kere, e ta un maravia! mi por wak ku Dios ta bon” ela bisa.
Enmanuel, di e mesun parokia ku Ana a remarka també riba su testimonio “(…) mi por a mira ku mientras nos tabata warda pa hende abri nan portanan, tabata mi ruman kende a evangelisami, i mi ta kere ku a mi por a evangelis’é, “(…) mi a gusta e eksperiensia di bai riba mi mes (sin mi mayornan) pero ku e grasia di bai ku mi ruman, kada un di nos tabata dua otro animo, mèrdia nos tabata kansá i ku set, mas Dios a proveé awa i sopi…Dios ker’a pa mi ripará den mi kurason, ku e ta esun ku ta proveé”.
Esaki i hopi testimonionan mas a konfirmá ku Señor ta pasa riba e kurason di tur e hobennan katekumeno di Venezuela, Aruba, Kòrsou i Boneiru, kende a keda konvensi di e amor gratuito di Dios, un amor ku nan a eksperimenta den e iglesia, i nan a respondé ku 90 hoben homber i 130 hoben muhé ku a lanta pa bai dedika nan bida na servisio di iglesia i traha pa bai anunsia e evangelio.
CncVenezuela 
Debe estar conectado para enviar un comentario.